بسم الله الرحمن الرحيم
الزملاء الشباب : ان شاء الله هنتكلم عن ازاي تنفذ حكم نفقة
مبدئيا لازم تعرف ان حكم النفقة لا يسقط بالتقادم ولا لأي سبب , الزوج بيدفع يعني بيدفع (لازم تدفع) واعرف ان حكم النفقة بيكون واجب النفاذ (مشمول بالنفاذ المعجل) من أول متاخد عليه الصيغة التنفيذية والكلام ده أيا كان نوع النفقة اللي محكوم بيها.
لو الزوج موظف حكومي أو قطاع خاص وليه مفردات مرتب يبقى الموضوع خلص و انت تروح علي مكان عمله وتسلمهم أصل الحكم عليه الصيغة التنفيذية إلى جهة عمله مباشرة ثم نقوم تلك الجهة بخصم مستحقات الزوج من راتب الزوج
طيب لو الزوج مكنش ليه مكان عمل ثابت وامتنع عن تنفيذ الحكم (دفع النفقة) يبقى جابه لنفسه وتبدأ تنفذ الحكم اللي معاك وده بيكون بـ 3 طرق تقدر من خلالهم انك تنفذ عليه :
الطريقة الأولى :
انت محامي الزوجة ومعاك حكم نفقة عليه صيغة تنفيذية هتعمل إعلان بالحكم ده للزوج وبعد الإعلان لو الزوج تنح ومدفعش انت كده عداك العيب وتبتدي بقى تصحصح الزوج شوية هههه , يعني بعد الإعلان لو الزوج مدفعش تقوم رافع دعوى حبس (بمتجمد نفقة) يعني الفترة اللي مرديش يدفع فيها ودي بتترفع في محكمة الأسرة وبيكون الزوج قدامه حلين ياما يتحبس أو يدفع , ولو اتحبس بيكون لمدة 30 يوم بس.
وخلى بالك ان من شروط تنفيذ حكم الحبس على الزوج انك تثبت قدرته المالية على دفع قيمة النفقة , يعني انت لما بترفع الدعوى بعد إنذار الزوج بالدفع لازم تثبت قدام المحكمة ان الزوج يقدر على دفع النفقة , المحكمة بتحيل الدعوى للتحقيق وانت بتقدم إثباتاتك والزوج بيقدم إثباتاته (انه لا يقدر على الدفع) وللمحكمة سلطة تقديرية في مدى قدرته من عدمه.
وخلي بالك أن أهم الاثباتات في الموضوع ده هي تحريات قسم الشرطة (شيخ الحارة) اللي تابع ليه الزوج (فاكرين موضوع التمكين) نفس القصة لازم تتابع مع الشهود وتتابع مع الأمين اللي هيقوم بالتحريات.
الطريقة الثانية :
بنك ناصر .. يعني انت كمحامي الزوجة تقدر تروح بالصيغة التنفيذية للحكم اللي معاك لبنك ناصر وتقدمهاله للحصول على النفقة , وده طبعا بعد تقديم شوية أوراق بيطلبها البنك , وغالبا النفقة اللي هيدفعها البنك مش هتزيد عن 500 جنيه (احسن من مفيش) , وبعد كده البنك يتصرف بقى مع الزوج المحكوم عليه علشان ياخد منه قيمة النفقة , لو كان موظف بيحجز على مرتبه ويخصم منه , لو كان غير موظف بيدور على اي حاجة يملكها يحجز عليها , لو كان ممعاهوش املاك يبقى البنك برده يفضل ملتزم بالنفقة وانت ملكش دعوة بالكلام ده.
الطريقة الثالثة :
ودي قليل لما حد بينفذها لأنها بتتطلب إثباتات كتير والزوج ليه طرق كتير يقدر يبطلها (إثبات – إشكالات -..) , المهم هقولكوا عليها من باب العلم , وهي انك تدور على أي ممتلكات للزوج ده علشان تحجز عليها حتى ولو كانت منقولات يملكها بس تكون بتاعته وباسمه , فانت هتروح لإدارة التنفيذ في المحكمة التابع ليها الزوج وتقدم الصيغة التنفيذية اللي معاك وتعمل توكيل بالتنفيذ لمحضر التنفيذ علشان يروح ينفذ الحجز على منقولات الزوج وبعد الحجز بيتم بيع الحاجة اللي محجوز عليها بالمزاد العلني علشان تاخد قيمة النفقة اللي في الحكم من ثمن البيع.
وخلي بالك أن دين نفقة الزوجة له الأولوية التنفيذ على ممتلكات أو تركة الزوج لو انت هتعمل الطريقة دي يعني ليك أولوية في الحصول على النفقة عن الدائنين الأخرين اللي مشتركين معاك في الحجز على الممتلكات أو التركة.
بقلم الاستاذ محمد نور المحامي
"والله في عون العبد ما كان العبد في عون أخيه "
الحمد لله رب العالمين
الزملاء الشباب : ان شاء الله هنتكلم عن ازاي تنفذ حكم نفقة
مبدئيا لازم تعرف ان حكم النفقة لا يسقط بالتقادم ولا لأي سبب , الزوج بيدفع يعني بيدفع (لازم تدفع) واعرف ان حكم النفقة بيكون واجب النفاذ (مشمول بالنفاذ المعجل) من أول متاخد عليه الصيغة التنفيذية والكلام ده أيا كان نوع النفقة اللي محكوم بيها.
لو الزوج موظف حكومي أو قطاع خاص وليه مفردات مرتب يبقى الموضوع خلص و انت تروح علي مكان عمله وتسلمهم أصل الحكم عليه الصيغة التنفيذية إلى جهة عمله مباشرة ثم نقوم تلك الجهة بخصم مستحقات الزوج من راتب الزوج
طيب لو الزوج مكنش ليه مكان عمل ثابت وامتنع عن تنفيذ الحكم (دفع النفقة) يبقى جابه لنفسه وتبدأ تنفذ الحكم اللي معاك وده بيكون بـ 3 طرق تقدر من خلالهم انك تنفذ عليه :
الطريقة الأولى :
انت محامي الزوجة ومعاك حكم نفقة عليه صيغة تنفيذية هتعمل إعلان بالحكم ده للزوج وبعد الإعلان لو الزوج تنح ومدفعش انت كده عداك العيب وتبتدي بقى تصحصح الزوج شوية هههه , يعني بعد الإعلان لو الزوج مدفعش تقوم رافع دعوى حبس (بمتجمد نفقة) يعني الفترة اللي مرديش يدفع فيها ودي بتترفع في محكمة الأسرة وبيكون الزوج قدامه حلين ياما يتحبس أو يدفع , ولو اتحبس بيكون لمدة 30 يوم بس.
وخلى بالك ان من شروط تنفيذ حكم الحبس على الزوج انك تثبت قدرته المالية على دفع قيمة النفقة , يعني انت لما بترفع الدعوى بعد إنذار الزوج بالدفع لازم تثبت قدام المحكمة ان الزوج يقدر على دفع النفقة , المحكمة بتحيل الدعوى للتحقيق وانت بتقدم إثباتاتك والزوج بيقدم إثباتاته (انه لا يقدر على الدفع) وللمحكمة سلطة تقديرية في مدى قدرته من عدمه.
وخلي بالك أن أهم الاثباتات في الموضوع ده هي تحريات قسم الشرطة (شيخ الحارة) اللي تابع ليه الزوج (فاكرين موضوع التمكين) نفس القصة لازم تتابع مع الشهود وتتابع مع الأمين اللي هيقوم بالتحريات.
الطريقة الثانية :
بنك ناصر .. يعني انت كمحامي الزوجة تقدر تروح بالصيغة التنفيذية للحكم اللي معاك لبنك ناصر وتقدمهاله للحصول على النفقة , وده طبعا بعد تقديم شوية أوراق بيطلبها البنك , وغالبا النفقة اللي هيدفعها البنك مش هتزيد عن 500 جنيه (احسن من مفيش) , وبعد كده البنك يتصرف بقى مع الزوج المحكوم عليه علشان ياخد منه قيمة النفقة , لو كان موظف بيحجز على مرتبه ويخصم منه , لو كان غير موظف بيدور على اي حاجة يملكها يحجز عليها , لو كان ممعاهوش املاك يبقى البنك برده يفضل ملتزم بالنفقة وانت ملكش دعوة بالكلام ده.
الطريقة الثالثة :
ودي قليل لما حد بينفذها لأنها بتتطلب إثباتات كتير والزوج ليه طرق كتير يقدر يبطلها (إثبات – إشكالات -..) , المهم هقولكوا عليها من باب العلم , وهي انك تدور على أي ممتلكات للزوج ده علشان تحجز عليها حتى ولو كانت منقولات يملكها بس تكون بتاعته وباسمه , فانت هتروح لإدارة التنفيذ في المحكمة التابع ليها الزوج وتقدم الصيغة التنفيذية اللي معاك وتعمل توكيل بالتنفيذ لمحضر التنفيذ علشان يروح ينفذ الحجز على منقولات الزوج وبعد الحجز بيتم بيع الحاجة اللي محجوز عليها بالمزاد العلني علشان تاخد قيمة النفقة اللي في الحكم من ثمن البيع.
وخلي بالك أن دين نفقة الزوجة له الأولوية التنفيذ على ممتلكات أو تركة الزوج لو انت هتعمل الطريقة دي يعني ليك أولوية في الحصول على النفقة عن الدائنين الأخرين اللي مشتركين معاك في الحجز على الممتلكات أو التركة.
بقلم الاستاذ محمد نور المحامي
"والله في عون العبد ما كان العبد في عون أخيه "
الحمد لله رب العالمين
