دعوي صحة التوقيع هى دعوى تحفظيه الهدف منها اثبات صحة توقيع صاحب الامضاء وعدم انكارة مستقبلا هذا هو مضمون دعوى صحة التوقيع بمعني ان القاضي بيقول للخصم اللي هو ممكن يكون البائع او المشتري هل ههذا توقيعك ام لا؟ مش اكتر من كدا
بص يا استاذ وانتي يا استاذه ركزوا معايا شويه اول ما هتشتغل هتسمع عن دعوي صحه التوقيع واغلب المحامين معندهمش الا دعوي صحه التوقيع وفي الحقيقه الدعوي انا بطلق عليها سبوبه او اكل عيش والغريبه ان اغلب الناس فاكره انها دعوي مهمه او تقرر حقوق والحقيقه عكس ذلك
لو عايز تبقي محامي كبير لازم تفهم يعني ايه دعوي صحه التوقيع في الاغلب كل اللي بيشتري شقه بيجيب العقد اللي معاه ودا اسمه عقد عرفي
يعني عقد عرفي عقد مش موثق يعني مش مختوم بشعار الجمهوريه ويطلب منك انك ترفع ليه دعوي صحه التوقيع
ويوجد البعض من يتحايلون علي القانون ساعات بيزور امضاءات ناس وياخد عليها صحه توقيع
ولهذا درس ليك مهم لما تشتري شقه تروح تسجل في الشهر العقاري علي طول ما تاخدتيش دعوي صحه توقيع دا للناس اللي عايزه تضمن حقها
المستندات المطلوبة لرفع دعوى صحة التوقيع
1- اصل العقد اللي هتاخد عليه صحه التوقيع 2- اصل التوكيل اللي الموكل عامله ليك كمحامي
1- تكتب عريضه اللي هي القضيه 2- تروح لرئيس القلم اللي في المحكمه (محكمه موطن المدعي عليه ولو كان عقار يبقي محكمه العقار ) تقدر رسوم والضرائب ودمغات 3- بعدين تروح الخزانه تسدد الرسوم 4- تروح الجدول وتسدد القضيه وتاخد موعد جلسه 5- تروح تختم الصحيفه بعد تحديد الجلسه 6- تتوجه للمحضرين وتسلم الاصل وتاخد رقم وبعدين تيجي تستلم اصل الصيحفه
الحضور فى جلسة صحة التوقيع
بعد كدا تروح للقاضي في قلب الجلسه هتدي القاضي العريضه وحافظه المستندات اللي فيها العقد.
هتقف قدام احتمالين لو الخصم حضر احجز للحكم اذا لم يحضر الخصم هتاخد جلسه اسمها اعاده اعلان وهتيجي الجلسه اللي بعدها وتحجز للحكم.
بنسبه 100% هتكسب القضيه سوا الخصم ام لم يحضر.
ملحوظه فى حالة لم يحضر المدعى عليه والحكم كان غيابيا بتضطر تعلنه بالحكم وبعدين تستني 40 يوم انه مفيش استئناف وبعدها تجيب شهاده بعدم حصول استئناف وبعدين تستلم العقد مختوم
