#الجنحهالمباشرهومحضر_الشرطة
تعرف يعنى ايه جنحه مباشره ؟؟؟ طيب تعرف يعنى ايه محضر شرطه ؟؟ طيب تعرف ايه الفرق بينهم ؟ طيب تعرف ايه عيوبهم ومميزاتهم .. ؟
حقولك ياسيدى محضر الشرطه ده انك مثلا معاك إيصال امانه وعايز تشتكى به حد فا بتروح القسم وتعمل محضر وبعدين المحضر بياخد رقم ويطلع على النيابه والنيابة تحقق فى الواقعه وبعدين القضيه تاخد جلسه طيب والكلام ده فى خلال قد ايه ؟؟ مش أقل من شهرين على حسب ضغط الشغل فى النيابه إلى عامل فيها المحضر وطبعا القضيه بتاخد جلسه ويجوز حضور المتهم أو محاميه كما يجوز حضور المجنى عليه او محاميه للمطالبه بالتعويض المدنى المؤقت طيب والجنحه المباشره ؟؟ دى ياسيدى معناها أن المحامى بيقوم بإقامة الجنحه دون اللجوء إلى القسم ...!!! يعنى بيكتب عريضة دعوى ويثبت فيها مبلغ التعويض المدنى المؤقت ويطالب النيابه بتحديد جلسه فى اسرع وقت ويعلن المتهم بالجلسة والدعوى المدنيه دون تدخل من النيابه فى التحقيق أو العرض عليها ويقتصر فقط على مجرد إعلان النيابه مثل المتهم ... وبتكون الجلسه فى وقت أسرع من محضر الشرطه ... يعنى لو محضر الشرطه حياخد جلسه فى حدود شهرين حيبقى فى الجنحه المباشره فى خلال شهر مثلا طيب كده انت حتقول دى حاجه كويسه ماهى الجنحه المباشره أسرع من محضر الشرطه ... !! حقولك ماهو مش كل الجرائم ينفع تترفع عن طريق الجنحه المباشره وكمان لو المتهم ماتعلنش بالجنحه المباشره يبقى ساعتها مش حتعرف ترفعها وحتاخد إجراء أطول من محضر الشرطه كمان بعكس محضر الشرطه انت كل الى بتحتاجه هو عنوان المتهم فى دائرة القسم الى بتعمل فيه المحضر وبس يعنى مش محتاج تعلنه ولا حاجه .... ومش كده وبس أهم فرق بين محضر الشرطه والجنحه المباشره انك لما بتعمل محضر الشرطه المتهم لازم يحضر بشخصه فى الاستئناف أو المعارضه الاستئنافية ... أما فى الجنحه المباشره فحضور المتهم غير وجوبى فى الاستئناف ويكفى حضور محاميه فقط ... وطبعا فى ناس كتير حتخاف تحضر فى الاستئناف بشخصها وتقول طيب ما انا اتصالح احسن بخلاف الجنحه المباشره حتقول انا حخسر ايه خلى المحامى يحضر يمكن اخد براءه ولو اتحكم عليا أبقى اعمل تصالح قدام المحامى العام وده طبعا حيطول الفتره شويه .... المهم ده فرق بسيط بينهم علشان تعرف اى طريق حيكون أفضل كل حاجه ليها مميزات وعيوب ... بالعربى حاجه قصاد حاجه اختار الطريق بمساعدة محاميك واعرف أبعاده
تعرف يعنى ايه جنحه مباشره ؟؟؟ طيب تعرف يعنى ايه محضر شرطه ؟؟ طيب تعرف ايه الفرق بينهم ؟ طيب تعرف ايه عيوبهم ومميزاتهم .. ؟
حقولك ياسيدى محضر الشرطه ده انك مثلا معاك إيصال امانه وعايز تشتكى به حد فا بتروح القسم وتعمل محضر وبعدين المحضر بياخد رقم ويطلع على النيابه والنيابة تحقق فى الواقعه وبعدين القضيه تاخد جلسه طيب والكلام ده فى خلال قد ايه ؟؟ مش أقل من شهرين على حسب ضغط الشغل فى النيابه إلى عامل فيها المحضر وطبعا القضيه بتاخد جلسه ويجوز حضور المتهم أو محاميه كما يجوز حضور المجنى عليه او محاميه للمطالبه بالتعويض المدنى المؤقت طيب والجنحه المباشره ؟؟ دى ياسيدى معناها أن المحامى بيقوم بإقامة الجنحه دون اللجوء إلى القسم ...!!! يعنى بيكتب عريضة دعوى ويثبت فيها مبلغ التعويض المدنى المؤقت ويطالب النيابه بتحديد جلسه فى اسرع وقت ويعلن المتهم بالجلسة والدعوى المدنيه دون تدخل من النيابه فى التحقيق أو العرض عليها ويقتصر فقط على مجرد إعلان النيابه مثل المتهم ... وبتكون الجلسه فى وقت أسرع من محضر الشرطه ... يعنى لو محضر الشرطه حياخد جلسه فى حدود شهرين حيبقى فى الجنحه المباشره فى خلال شهر مثلا طيب كده انت حتقول دى حاجه كويسه ماهى الجنحه المباشره أسرع من محضر الشرطه ... !! حقولك ماهو مش كل الجرائم ينفع تترفع عن طريق الجنحه المباشره وكمان لو المتهم ماتعلنش بالجنحه المباشره يبقى ساعتها مش حتعرف ترفعها وحتاخد إجراء أطول من محضر الشرطه كمان بعكس محضر الشرطه انت كل الى بتحتاجه هو عنوان المتهم فى دائرة القسم الى بتعمل فيه المحضر وبس يعنى مش محتاج تعلنه ولا حاجه .... ومش كده وبس أهم فرق بين محضر الشرطه والجنحه المباشره انك لما بتعمل محضر الشرطه المتهم لازم يحضر بشخصه فى الاستئناف أو المعارضه الاستئنافية ... أما فى الجنحه المباشره فحضور المتهم غير وجوبى فى الاستئناف ويكفى حضور محاميه فقط ... وطبعا فى ناس كتير حتخاف تحضر فى الاستئناف بشخصها وتقول طيب ما انا اتصالح احسن بخلاف الجنحه المباشره حتقول انا حخسر ايه خلى المحامى يحضر يمكن اخد براءه ولو اتحكم عليا أبقى اعمل تصالح قدام المحامى العام وده طبعا حيطول الفتره شويه .... المهم ده فرق بسيط بينهم علشان تعرف اى طريق حيكون أفضل كل حاجه ليها مميزات وعيوب ... بالعربى حاجه قصاد حاجه اختار الطريق بمساعدة محاميك واعرف أبعاده
